The Birks of Aberfeldie

Words by Robert Burns

Bonnie lassie, will ye go, 

Will ye go, will ye go, 

Bonnie lassie, will ye go 

To the birks of Aberfeldie?

Now simmer blinks on flowery braes, 

And o'er the crystal streamlet plays; 

Come, let us spend the lightsome days, 

In the birks of Aberfeldie!

The little birdies blithely sing, 

While o'er their heads the hazels hing; 

Or lightly flit on wanton wing 

In the birks of Aberfeldie!

The braes ascend like lofty wa's, 

The foaming stream, deep-roaring, fa's, 

O'er-hung wi' fragrant spreading shaws, 

The birks of Aberfeldie.

The hoary cliffs are crown'd wi' flowers, 

White o'er the linns the burnie pours, 

And, rising, weets wi' misty showers 

The birks of Aberfeldie.

Let Fortune's gifts at random flee, 

They ne'er shall draw a wish frae me; 

Supremely blest wi' love and thee 

In the birks of Aberfeldie.

Bonnie lassie, will ye go, 

Will ye go, will ye go, 

Bonnie lassie, will ye go 

To the birks of Aberfeldie?

PLUS THE BONUS

-o0o-