Ca' the Yowes to the Knowes
(call the ewes to the hills)
Words by Robert Burns

Ca' the yowes to the knowes, 

Ca' them where the heather grows, 

Ca' them where the burnie rowes, 

My bonnie dearie.

Hark, the mavis e'ening sang 

Sounding Clouden's woods amang 

Then a-faulding let us gang. 

My bonnie dearie.

We'll gae down by Clouden side, 

Thro the hazels, spreading wide 

O'er the waves that sweetly glide 

To the moon sae clearly.

Yonder Clouden's silent towers 

Where, at moonshine's midnight hours, 

O'er the dewy bending flowers 

Fairies dance sae cheery.

Ghaist nor bogle shalt thou fear 

Thou'rt to Love and Heav'n sae dear 

Nocht of ill may come thee near, 

My bonnie dearie.

PLUS THE BONUS

-o0o-